“Aqlli” soat bilan uxlash qanchalik xavfsiz? Shifokor tavsiyalari

Shifokor Natalya Belovaning so‘zlariga ko‘ra, “aqlli” soatlarni tunda ham taqish tavsiya etilmaydi. Daryo shular haqida yozmoqda.

Shifokor-terapevtning ta’kidlashicha, kuniga 24 soat davomida bilakka biror narsa taqish zararli, chunki zich bog‘langan soat va turli brasletlar tomir va nervlarga bosim o‘tkazadi. Bu juda noxush oqibatlarga olib kelishi mumkin.

Shuningdek, doimiy soat taqish terining shikastlanishiga, uning ostida chang, suv, bakteriyalarning yig‘ilib qolishiga olib keladi. Bularning barchasi teri infeksiyalari ko‘payishi uchun qulay muhitdir.

Shu sababli shifokorlar kechasi nafaqat “aqlli” soatlarni, balki zargarlik buyumlarini ham yechib uxlashni tavsiya etadi. Chunki tunda aqlli soatlar yordamida yurak urishi, qadamlar kabi fiziologik ko‘rsatkichlarni o‘lchashdan naf yo‘q.

Avvalroq Buyuk Britaniyaning Kardiff universiteti olimlari “aqlli” soatlar Parkinson kasalligini juda erta bosqichlarda — ilk alomatlar paydo bo‘lishidan yetti yil avval aniqlash imkonini berishini isbotladi.​