“Poytaxt bank”ning Buxoro filiali OAV vakillari uchun press-tur uyushtirdi

Kuni kecha “Poytaxt bank” aksiyadorlik-tijorat uy-joy-qurilish jamg‘arma bankining Buxoro viloyati filiali ommaviy axborot vositalari vakillari, jurnalistlar va blogerlar ishtirokida press-tur tashkil etdi. Tadbir davomida bank faoliyati, hududda amalga oshirilayotgan moliyaviy loyihalar hamda tadbirkorlikni qo‘llab-quvvatlash yo‘nalishidagi ishlar haqida batafsil ma’lumot berildi.

“Poytaxt bank” o‘z faoliyatini 2018-yil oxirida boshlagan bo‘lib, aholini arzon uy-joy bilan ta’minlash, ipoteka kreditlarini ajratish va qurilish loyihalarini moliyalashtirishga ixtisoslashgan moliyaviy muassasa hisoblanadi. Bank O‘zbekiston Markaziy banki tizimida faoliyat yuritadi va korporativ boshqaruv tamoyillari asosida ishlaydi. 2019-yildan buyon uning Buxoro viloyatidagi filiali ham mijozlarga xizmat ko‘rsatib kelmoqda.

Bugungi kunda filial Buxoro shahri Hamza ko‘chasi, 8-uy manzilida faoliyat yuritmoqda. Bank jismoniy va yuridik shaxslar uchun mikroqarz, avtokredit, biznesni rivojlantirish kreditlari, uy-joy qurilishi loyihalarini moliyalashtirish, shuningdek, kichik, o‘rta va yirik biznes subyektlari uchun turli kredit mahsulotlarini taklif etadi.

Press-tur davomida bank boshqaruvchisi Zafar Shodiyev ishtirokchilarga hududda tadbirkorlikni qo‘llab-quvvatlash, biznes loyihalarini moliyalashtirish hamda bankning iqtisodiy rivojlanishdagi o‘rni haqida atroflicha ma’lumot berdi. Tadbir ishtirokchilari o‘zlarini qiziqtirgan savollarga javob olib, bank faoliyati bilan yaqindan tanishish imkoniga ega bo‘ldilar.

Shuningdek, jurnalistlar va blogerlar “Yangi O‘zbekiston” massivida joylashgan “Dom Mobil Asia Stroy” MChJ faoliyati bilan tanishdilar. Ular pudratchi tashkilot – “Imara” MChJ tomonidan barpo etilayotgan zamonaviy ko‘p qavatli turar joylar, ularning infratuzilmasi hamda aholi uchun yaratilayotgan qulay sharoitlarni ko‘zdan kechirdilar.

Press-tur ishtirokchilariga bank orqali iqtisodiyotning turli tarmoqlarida faoliyat yuritayotgan tadbirkorlarga ajratilayotgan kredit paketlari, ularning shartlari va imkoniyatlari haqida ham batafsil ma’lumot berildi. Mutaxassislar bank xizmatlari yuzasidan berilgan savollarga atroflicha javob qaytardilar.

Ayni paytda “Poytaxt bank” mijozlarga kreditlar, omonatlar, bank kartalari, xalqaro pul o‘tkazmalari, valyuta ayirboshlash hamda boshqa zamonaviy bank xizmatlarini taklif etmoqda. Mazkur xizmatlar tadbirkorlar va aholi uchun moliyaviy masalalarni tezkor hamda qulay hal etishga xizmat qilmoqda.

Bunday press-turlar bank faoliyatining ochiqligi va shaffofligini ta’minlash, jamoatchilikni amalga oshirilayotgan loyihalar bilan yaqindan tanishtirishda muhim ahamiyat kasb etadi. OAV vakillarining bevosita joyiga borib jarayonlarni kuzatishi taqdim etilayotgan ma’lumotlarning yanada xolis va ishonchli yoritilishiga xizmat qiladi. Shu bilan birga, tadbirkorlar uchun yaratilayotgan moliyaviy imkoniyatlarni keng targ‘ib etish yangi biznes loyihalarining amalga oshirilishiga turtki bo‘lishi mumkin. Zamonaviy bank xizmatlarining kengayib borayotgani esa hudud iqtisodiyotining rivojlanishi, investitsion faollikning ortishi va ishbilarmonlik muhitining yanada yaxshilanishiga ijobiy ta’sir ko‘rsatadi. Kelgusida ham bank va ommaviy axborot vositalari o‘rtasidagi bunday hamkorlik aholini dolzarb iqtisodiy yangiliklardan tezkor xabardor qilishda muhim o‘rin tutadi.