Shofirkonda farzandi bilan bedarak yo‘qolgan ayol Romitandan topildi

Shofirkon tumani “Sultonobod” mahallasida yashovchi, 1986-yilda tug‘ilgan H. X. ikki yoshli o‘g‘li bilan yashash xonadonidan noma’lum tomonga chiqib ketgani yuzasidan qidiruv e’lon qilingan edi. Bu haqda Buxoro viloyati Ichki ishlar boshqarmasi Buxoroisharif.uz internet nashriga ma’lum qildi.

Olib borilgan tezkor-qidiruv va surishtiruv tadbirlari natijasida ayol Romitan tumani markazidagi “Dehqon bozori” hududida joylashgan nonvoyxonalardan birida ishlab yurgani aniqlandi. U farzandi bilan eson-omon topildi.

Hozirda holatning kelib chiqish sabablarini o‘rganish va uni belgilangan tartibda rasmiylashtirish maqsadida mas’ul xodimlar tomonidan surishtiruv ishlari davom ettirilmoqda. Ichki ishlar boshqarmasi qidiruv jarayonida amaliy yordam ko‘rsatgan fuqarolarga minnatdorlik bildirdi.