“Million” bilan yuz bergan baxtsiz hodisa

Umidjon Haydarov “Million” vakillari bilan boʻlgan baxtsiz hodisa haqida gapirdi

Oʻsha payti ichimda kalima qaytardim”, — deydi u.

Aktyor, qiziqchi, “Million” jamoasining sobiq aʼzosi Umid Haydarov jamoa bilan sodir boʻlgan baxtsiz hodisa haqida gapirib berdi.

Uning soʻzlariga koʻra bu voqea Rossiyaga boʻlgan safar chogʻida sodir boʻlgan. Oʻshanda jamoa Alisher Botirov va Umidjon Haydarov sababli samolyotga kech qolgan. Keyin ular mashinada ketishga majbur boʻlgan. Umid Haydarov oʻzi, Maʼruf Nosirov va Mirkomil Musayevlar oʻtirgan mashina qarama-qarshi yoʻnalishga chiqib ketganini aytdi. Oqibatda, avtohalokat boʻlishiga ozgina qolganini, oʻsha lahzada u har narsaga tayyor boʻlganini taʼkidladi.

“Kuni kecha 22 oktabr kuni jamoamizning aʼzosi Sarvar Farziyevning nikoh oqshomi boʻlib oʻtdi. U yerdan chiqib saunaga bordik va shu voqeani esladik. Biz Rossiyaga xizmat safariga chiqqanimizda, Vladivostokdan Kazanga uchishimiz kerak. Oʻsha kuni bizni mehmon qilishdi. Shuning uchun mehmonxonaga kechki soat 3 larda kelib yotdik. Butun jamoa Alisher Botirov va Umidjon Haydarov hisobiga aeroportga kech qolgan. Davro Qabulov va Abdulaziz aka bir amallab bilet topib Kazanga uchishdi. Chunki u yerda tashkiliy masalalar bor edi. Biz mashinada yoʻlga chiqdik. Haydovchining balki bizga qilmoqchi boʻlgan yaxshiligimi, balki layoqatsizlidanmi bizni 12 soatlik yoʻlga 10 soatda olib borib qoʻygan. U tezlikda qarama-qarshi yoʻlga chiqdi. U tomondan katta ʻFuraʻ mashinasi kelyotgandi. ʻAvariyaʼ boʻlishiga oz qoldi. Ichimda kalima qaytardim. Oʻsha payti har narsaga tayyor edim. ʻFuraʻ haydovchisining malakaliligi, bizning taksichining tezkor harakatlaridan biz bu toʻqnashuvdan chiqib ketdik. Na kulishni, na yigʻlashni biladigan voqea boʻlgan. U mashinada Mirkomil Musayev, Maʼruf Nosirov ham boʻlgan”, — deydi u.