Bollivud yulduzi Katrina Kaif qanday qilib milliarder boʻlgani haqidagi sirni oshkor qildi. U eng koʻp maosh oluvchi hind aktrisalari qatoriga kiradi.

Bollivudning jozibador va isteʼdodli aktrisasi Katrina Kaif qanday qilib milliarder boʻlgani haqida gapirib berdi.

Bollivud kino olamidagi eng daromadli sanoatlardan biri hisoblanadi. Ushbu kino sanoatining aktyor va aktrisalari millionlab daromad topadi biroq oʻzlarining shaxsiy boyligi haqida gapirishni istamaydi. Bollivudning mashhur aktrisasi Katrina Kaif mahalliy nashrlarning biriga bergan intervyusida qanday qilib milliarder boʻlgani haqidagi sirni oshkor qildi.

Katrina Kaifning hozirgi oylik daromadi 2 milliard soʻmdan oshadi va u Bollivudning eng koʻp maosh oluvchi aktrisalari qatoriga kiradi. U daromadining katta qismini kino sanʼatida ijro etgan rollari orqali topadi. Aktrisa milliarder boʻlishning eng yaxshi yoʻli pulni toʻgʻri taqsimlash va shu soha mutaxassislari bilan hamkorlikda ish olib borish deb aytgan.

“Milliarder boʻlishning va uni saqlab qolishning eng yaxshi yoʻli pulni toʻgʻri taqsimlash, shu soha mutaxassislari bilan birga maslahat qilib ish yuritish. Men aynan shularga amal qilaman”, — deydi aktrisa.

Maʼlumot uchun, aktrisa shu yilning dekabr oyida toʻy marosimini oʻtkazishni rejalashtirgan va shuning uchun barcha suratga olish ishlarini vaqtincha toʻxtatgan.