Reper Shaka uni haqoratlagan Samandar Hamroqulovga atab qoʻshiq yozdi

U intervyularning birida Shakaning ijodini tanqid qilgan.

Taniqli reper Shaka uni haqorat qilgan Samandar Hamroqulovga atab “Kana kim?” nomli qoʻshiq yozdi.

Samandar Hamroqulov intervyularning birida Shakaning ijodini tanqid qilgan. Shuningdek, nomini “Kaka”ga oʻzgartirishni taklif qilgan.

“Kana toʻgʻrisida ham qoʻshiq aytasizmi. Ertaga bu ketishda gijja toʻgʻrisida ham qoʻshiq aytasiz. Menga soundi ham yoqmadi. Menda bir fikr bor, yigitlar guruh nomini oʻzgartirishi kerak. Shaka emas Kaka qoʻyishi kerak”, deya fikr bildirgan xonanda.

Reper esa bunga javoban xonandaga atab “Kana kim?” nomli qoʻshiq yozdi va sahifasiga joyladi. Shakaning koʻplab muxlislari mazkur post ostiga ijobiy izoh qoldirgan, shuningdek, Samandar Hamroqulovga “Qariyalar uyi”ga borishni “taklif qilgan”lar ham boʻlgan.