Aziz Rametov qachon uylanishini maʼlum qildi

U aniq sanani otasining tugʻilgan kunida aytgan.

Aktyor Aziz Rametov Instagram sahifasida toʻyi qachon boʻlishi haqida maʼlumot berdi.

U ijtimoiy tarmoqqa joylagan postida otasini tavallud ayyomi bilan tabrikladi hamda toʻyi 2022-yil 2-fevralda boʻlishini maʼlum qildi. Shuningdek, aktyor oila aʼzolarini Hajga olib borishni niyat qilganini aytdi.

“Bugun Allohning inoyati bilan meni bu olamga kelishimga, sizlarga xizmat qilishdek ulugʻ neʼmatga sababchi boʻlgan, dunyo sinovlarida maktab, hayot atalmish buyuk mafkurani oʻrgatgan adibim, pirim, hazratim, neʼmatim, padarim, jonim dadamning tavallud ayyomi. Mening orzum ota-onamni, akam va uning oilasini Haj va Umra safariga, Masjid-al Haromga olib borish. 2022 yil 2 fevral kuni toʻyim. Xudo xohlasa, niyatim asal oyini ibodat oyi qilish. Shuncha yil men uchun yaxshi niyatda boʻldingiz shu bugun ham shunday boʻladi degan umid bilan qaysi biringiz uchun kuydirgi, yana biringiz uchun suydirgi, yana birortangiz uchun suyukli ukangiz Aziz Rametov”, — deydi u.