Buxoroda fan olimpiadalarining viloyat bosqichiga start berildi

Bugun, 25-noyabr kuni Kogon tumanidagi 3-ixtisoslashtirilgan davlat umumta’lim maktab-internatida 9-,10-,11-sinf o‘quvchilari o‘rtasida asosiy fan olimpiadasining birinchi guruh fanlari viloyat bosqichiga start berildi.

Mazkur olimpiada umumta’lim fanlaridan birinchi guruh fanlari nufuzli xalqaro olimpiadalar tashkil qilinadigan matematika, fizika, kimyo, biologiya, informatika bo‘yicha o‘tkaziladi. Sinovlar 2 turda, ya’ni yozma ish va test, faqat informatika fanidan dasturlashga oid amaliy topshiriqlar asosida tashkil etiladi.

Natijalariga ko‘ra, sinflar kesimida 1–5-o‘rinni egallagan o‘quvchilar joriy yilning 30-noyabr kuni xalqaro olimpiadalarda ishtirok etuvchi O‘zbekiston terma jamoasini saralashning birinchi bosqichida qatnashadi.