Rustam Saʼdiyev “Baron 2” filmining premyerasi qachon boʻlishini maʼlum qildi

Rejisser Rustam Saʼdiyev “Omon-omon” koʻrsatuviga bergan intervyusida “Baron 2” filmining premyerasi qachon boʻlishini maʼlum qildi.

U filmda rus va turk aktyorlaridan tashqari Suriya, Misr, Belorus, Qozogʻiston, Tojikistondan kelgan ijodkorlar ham ishtirok etganini aytdi. Rustam Saʼdiyev kinoda 85 foiz chet ellik aktyorlar 15 foiz oʻzbek aktyorlari rol ijro etganini taʼkidladi. Uning soʻzlariga koʻra, “Baron 2”ning ssenariy yozilishi 6 yil oldin boshlangan. Rejissyor film premyera avgust oyining oʻrtalariga moʻljallanganini aytdi.

“ʻBaron 2ʻ da faqat rus va turk aktyorlari emas, unda 85% chet el aktyorlari ishtirok etgan. Kinoda suriyalik, misrlik, beloruslik, qozoq, tojik ijodkorlari ham bor. Badiiy kengashda ham barcha aktyorlar toʻgʻri tanlanganini taʼkidlashdi. Film ssenariysi 6 yil oldin yozilishni boshlagandi. ʻBaron 2ʻ ning premyerasi avgust oyining oʻrtalariga moʻljallangan. Yaqin kunlar ichida sanasi ham aniq boʻladi”, — deydi rejisser.

“Baron 2” filmining rasmiy treyleri 10-aprel kuni eʼlon qilingandi. Ushbu filmning prodyuseri Ivan Arxipov. Filmda Farhod Mahmudov, Dilnoza Kubayeva, Shahzoda Matchonov, Yulduz Rajabova kabi koʻplab oʻzbek aktyor va aktrisalari rol ijro etgan. Shuningdek, “Baron-2: Sogʻinch”ga bir qancha chet ellik kino ijodkorlar ham jalb qilingan. Ulardan biri “Sevgi iztirobi” serialidagi Amir obrazini gavdalantirgan Kaan Urganjioʻgʻli ham ishtirok etgan.

“Baron-2” filmi Oʻzbekiston, Rossiya, Turkiya va Misr Arab Respublikasi hududida suratga olingan. Filmda koʻplab chang sahnalarini ham koʻrish mumkin. Ularda bir qancha portlash jarayonlari ham aks etgan. “Baron” filmining birinchi qismi 2016-yilda tomoshabinlar eʼtiboriga havola etilgan. Unda Hollivud aktyori Hassan Massud, shuningdek, rossiyalik mashhur aktyorlar Andrey Smolyakov, Pavel Priluchnyy va Farhod Maxmudov rol ijro etgandi

Manba: shoubiz.uz