“Yil talabasi” tanloviga start berildi

O‘zbekiston Respublikasi oliy va o’rta maxsus ta’lim vazirligi yoshlarni vatanparvarlik ruhida tarbiyalash, ularning intellektual salohiyatini oshirish, oliy o‘quv yurtlaridagi iqtidorli talabalarni aniqlash, ularga imkoniyatlar yaratish hamda talabalik nufuzini oshirib, rag‘batlantirish maqsadida “Yil talabasi” tanlovini e’lon qiladi.

Tanlov quyidagi nominatsiyalar bo‘yicha o‘tkaziladi:
– Yilning o’z mutaxassisligi bo’yicha eng bilimdon talabasi;
– Yilning eng faol targ’ibotchi talabasi;
– Yilning eng faol ixtirochi-innovator talabasi;
– Yilning eng faol sportchi talabasi;
– Yilning eng faol iqtidorli talabasi;
– Yilning eng faol ijodkor talabasi;
– Yilning eng faol tadbirkor talabasi.

Tanlov 2 bosqichdan iborat:
1. Oliy ta’lim muassasasi bosqichi (fakultetlararo va oliy ta’lim muassasasi miqyosida) – joriy yilning oktabr oyida;
2. Respublika bosqichi (mavjud oliy ta’lim muassasalari miqytosida) – noyabr oyida.

Ushbu tanlovda OTM da akademik ta’tilsiz kunduzgi ta’lim shaklida tahsil olayotgan 2-, 3- hamda 4-bosqich talabalari ishtirok etishlari mumkin.

Tanlovning Nizomi bilan batafsil quyida tanishib chiqing: https://telegra.ph/YIL-TALABASI-2022-Respublika-tanlovining-nizomi-10-02.

Ushbu tanlovda ishtirok etmoqchi bo‘lgan talababalar o‘zlari tahsil olayotgan OTM fakultetining yoshlar bilan ishlash bo‘yicha dekan o‘rinbosariga murojaat qilishlari mumkin.