Maktab va texnikum oʻquvchilari «Zakovat» da bellashdi

Kuni kecha iqtidorli yoshlarning mantiqiy bilimlarini oshirish, ularni saralash va intellektual o‘yinlarga keng jalb qilish maqsadida o‘rta maxsus va professional ta’lim muassasalarida tahsil olayotgan o‘quvchilar o‘rtasida Buxoro neft va gaz sanoati kolleji binosida «Zakovat» intelektual o‘yinining viloyat bosqichi bo‘lib o‘tdi.

Turnirda jami 217 nafar o‘quvchilardan tashkil topgan 31 ta jamoa, har bir jamoadan 7 nafardan iborat bilimli va zukko o‘quvchilar bellashdilar. Musobaqa 2 bosqichda bo‘lib o‘tib, oʻquvchilar 30 ta savolga javob topishga harakat qilishdi.

Yakuniy natijalar esa quyidagicha:
1-o‘rin: Abu Ali ibn Sino nomidagi Jamoat salomatligi texnikumi jamoasi;
2-o‘rin: Shofirkon tumani kasb-hunar maktabi jamoasi;
3-o‘rin: Romitan tumani 1-son kasb-hunar maktabi.

Shuningdek, g‘oliblarga viloyat kasbiy ta’limni rivojlantirish va muvofiqlashtirish hududiy boshqarmasi hamda Yoshlar ittifoqi viloyat kengashi tomonidan diplom va esdalik sovg‘alari topshirildi.

Qayd etish kerakki ushbu tanlovda g‘olib bo‘lgan jamoalar respublika bosiqchida ishtirok etish imkoniyatini qo‘lga kiritishdi.