Sizning qancha vaqtingiz ibodatda o‘tmoqda?

Vaqtga e’tiborli bulish muhimligi bayon etilar ekan, haqiqiy musulmon kishining o‘rtacha 75 yillik umrini tahlil qilib ko‘radigan bo‘lsa, asosiy vaqt nimalarga sarflanishi yaqqol namoyon bo‘ladi:

1. 15 yil atrofidagi vaqt bolalik va o‘smirlik bilan o‘tadi;
2. Qolgan oltmish yilda agar bir sutkada sakkiz soatdan uxlasa, 20 yil umr uyqu bilan o‘tadi;
3. Agar bir sutkada sakkiz soat kasb-kor bilan mashg‘ul bo‘lsa, 20 yil umr ishlashga sarflangan bo‘ladi;
4. Agar bir sutkada uch mahal ovqatlansa, har ovqatlanishiga yarim soatdan vaqt sarflasa, 3 yil, 9 oy umr ovqatlanishga ketadi;
5. Qolgan 16 yil umr ibodat, oila va shu kabi hammaning o‘zi yaxshi ko‘rgan mashg‘ulotlariga sarflanadi.

Har bir musulmon kishi o‘tayotgan kunida qancha farz va vojib, sunnatu mustahab amallarni, ota-ona, qarindoshlar, qo‘ni-qo‘shni, yurt-vatan haqlarini va shariat talab qilgan boshqa amallarni niyat bilan bajarayotganini har doim sarhisob qilib borishi lozim. Zero, o‘tayotgan har bir vaqt hisob-kitoblidir.

Foydalanilgan adabiyot: “Ulamolar nazdida vaqtning qadri” kitobi.
Manba: O‘zbekiston musulmonlari idorasi Buxoro viloyati vakilligi.