Moʻminlar qiyomatda Alloh taoloni koʻradi

«U Kunda ba’zi yuzlar yashovchi, Parvardigorlariga boqib turuvchidir» (Qiyomat surasi, 22–23-oyatlar).

Odatda podshohlar xalqqa o‘zini namoyish qilmay, faqat yaqinlarigagina ko‘rinadilar. Ular qaysidir insonga yaqin bo‘lishsa, o‘rtadagi to‘siqni olib tashlaydilar.

Podshohlarning o‘rtadagi to‘siqni olib tashlab, kimgadir ko‘rinish berishlari, unga berilgan in’omlardan ustundir. Alloh taoloning o‘z do‘stlarini jamolini ko‘rishga muyassar qilish bilan siylashi va unga shu bilan fazl ko‘rsatishi mumkin. Alloh taoloni ko‘rishni kayfiyat bilan sifatlamaymiz. Chunki kayfiyat suratga ega narsalarga tegishlidir. Alloh taolo esa kayfiyatsiz ko‘riladi.

Foydalanilgan adabiyot: “Ta’vilotdan durdonalar” kitobi.
Manba: O‘zbekiston musulmonlari idorasi Buxoro viloyati vakilligi.