Buxoro viloyati IIB boshligʻi fuqarolar qabulini oʻtkazdi

Bugun, 14-dekabr kuni tasdiqlangan grafik asosida Buxoro viloyati Ichki ishlar boshqarmasida jismoniy va yuridik shaxslarning murojaatlari qabul qilindi, – deya xabar bermoqda tashkilot matbuot xizmati.

Qabulda fuqarolarning 20 dan ortiq turli masalalardagi murojaatlari shaxsan viloyat IIB boshlig‘i, polkovnik Shuhrat Aliyev tomonidan tegishli sohaviy xizmatlar rahbarlari va masʼul xodimlar ishtirokida birma-bir ko‘rib chiqildi.

Asosiy eʼtibor har doimgidek, murojaatlarning shu yerning oʻzida hal etilishiga qaratilib, qo‘shimcha o‘rganish va qonuniy qaror qabul qilish uchun ish yurituviga olingan murojaatlar yuzasidan chora-tadbirlar belgilandi.