Mashhur hind aktrisasi suratga olish maydonchasida o‘z joniga qasd qildi

Hindistonning mashhur kinoaktrissasi Tunisha Sharma syomka jarayonida o‘z joniga qasd qildi. Bu haqida “India Today” nashri xabar qildi.

Hodisa suratga olish maydonchasida “Ali Baba: Jangchi afsonasi” filmida ishlayotgan vaqtda sodir bo‘lgan. 20 yoshli aktrisa kiyinish xonasida o‘lik holda topilgan.

Sharma juda quvnoq va o‘z yoshiga ko‘ra juda muvaffaqiyatli martabaga ega bo‘lgan sababli, bu xabar uni tanigan barchani hayratda qoldirdi. Fojia yuz bergan kuni aktyor Shizan Muhammad Xon ham suratga olish maydonida bo‘lgan. U Tunishning sobiq sevgilisi bo‘lgan. Yigit bilan ajralish qizning o‘z joniga qasd qilishiga sabab bo‘lgan, deya taxmin qilinmoqda.

OAV ning yozishicha, voqeadan ko‘p o‘tmay Xon gumondor sifatida hibsga olingan. Aktyorning aytishicha, uning sobiq sevgilisi avval ham o‘z joniga qasd qilishga uringan va u har safar uni qutqarib qolgan.

Shu bilan birga, turli dindagi jamoalarga mansubligi sababli, munosabatlarning uzilishini istagan Xon, ajrashgandan keyin Sharma o‘zini beqaror his qilganini tan oldi.