Ambronol siropi ham xavflimi?

Hozirgi paytga kelib internetda yashin tezligida O‘zbekiston Respublikasi SSV huzuridagi Farmatsevtika tarmog‘ini rivojlantirish agentligi direktori S. Kariyev imzosi bilan Ogohlantirish xati tarqalmoqda.

Unda 20 ta bolaning o‘limiga sabab bo‘lgan “Dok-1 Maks” ishlab chiqaruvchisi hisoblangan Hindistonnning “Marion Biotech Pvt. Ltd” kompaniyasining yana bir mahsuloti “Ambronol” siropining iste’molga yaroqsizligi haqidagi aytilgan.

Ushbu xatning haqiqiyligi yoki haqiqiymasligini tasdiqlashning imkoni bo‘lgani yo‘q. Ushbu holat “Marion Biotech Pvt. Ltd” kompaniyasining O‘zbekistondagi distribyutori sanaladigan “Quramax Medical” MChJ faoliyati bilan bog‘liq tekshiruvlar hamda u import qiluvchi boshqa dori vositalarini ham keng qamrovli o‘rganish boshlanganini darak berishi mumkin.

Shunga qaramay ayni damda ushbu dori vositasini xarid qilmaslikni so‘rab qolagan bo‘lardik.

“Quramax Medical” MChJ import qiluvchi dorilar ro‘yxati:

• Sinepar kid layt (suspenziya);
• Sinepar ibu kid (suspenziya);
• Sinepar aktiv gel;
• Frakdjoin (kapsula);
• Ferofort (sirop, kapsula);
• Travamaks (suv bilan ichish uchun granulalar, sirop);
• Nolgripp (granulalar, tabletka, sirop);
• Kyurazit (suspenziya, kapsula);
• Beldomaks (tabletka, suspenziya);
• Ambronol (tabletka, sirop);
• Tegramon SUL;
• Anasep gel;
• Levoreks (tabletka).

O‘zbekiston Respublikasi SSV huzuridagi Farmatsevtika tarmog‘ini rivojlantirish agentligidan rasmiy xabar kutib qolamiz.