O‘zbekiston

“Andijonnoma” gazetasi Prezidentga murojaat qildi

photo 102

Loading

Shuhrat Abdurahmonovning sirli tashrifidan so‘ng andijonlik jurnalistlar Prezidentga murojaat qilishdi

Shu yilning 21-yanvar kuni tushdan keyin «Andijonnoma» tahririyatiga viloyat hokimligidan xabar keldi: «hokim Shuhrat Abdurahmonov qadam ranjida qilishi ehtimoli bor, tak shto‘…»

Kutilmagan xabardan xushyor tortgan tahririyat xodimlari darhol tayyorganlikni boshlab yuboradi. Xabardan yaxshi gumonga borgan jurnalistlar o‘ylashdiki, nihoyat, hokimimizning qadami tahririyatga ham yetadigan bo‘ldi, tashrif sababi, katta ehtimol bilan, davlat rahbarining 19 yanvar kungi o‘tkazgan videoselektor yig‘ilishida ko‘tarilgan masalaga bog‘liq, chunki unda ma’naviy-ma’rifiy ishlar tizimini tubdan takomillashtirish, bu borada davlat va jamoat tashkilotlarining hamkorligini kuchaytirish masalalari tanqidiy muhokama qilingan-da…

Darhaqiqat, aytilgan vaqtda hokim keldi. Biroq jurnalistlar bilan muloqot qilish tugul, hatto salom-alik ham nasiya bo‘ldi.

Shuhrat Abdurahmonov poytaxtdan kelgan martabali mehmon bilan tahririyat binosi va unga tutash inshootlarni ko‘zdan kechirdi, o‘zaro nimalarnidir maslahatlashdi, chamai cho‘tlar qilishdi va… qanday tez kelgan bo‘lsa, shunday shitob bilan kaytib ketishdi!

Kutilmagan xabar va sirli tashrifdan mahalliy jurnalistlar hang-mang bo‘lib qolaverishdi, xullas!

Andijon shunchalar ixcham hududki, ot yetib bormagan joyga gap ham yetib boradi. Ko‘p o‘tmay, hokimning sirli va favqulodda tashrifining sababi ma’lum bo‘ldi. Andijonda qurilajak Prezident maktabiga joy qidirilib, Andijon shahar hokimligi va har ikki tahririyat makon tutgan binoga to‘xtalibdi. Hademay, bu yerda katta qurilish ishlari boshlanar ekan…

Albatta, Prezident maktabi qurilishini faqat olqishlash mumkin. Bunga e’tiroz bildirish shakkoklik bilan barobar! Biroq mahalliy jurnalistlar ko‘nglida xavotir ham yo‘q emaski, urho-ur, surho-sur bilan boshlagan ishlar natijasida tahririyat xodimlari ko‘chada qolmasmikan? Achchiq tajribalar yo‘q emas-da. Masalan, uch oyda rekonstruksiya qilinishi ko‘zda tutilgan Bobur nomidagi viloyat axborot-kutubxona markazi qariyb ikki yildirki, tugallanmayapti. Noyob kitob fondi esa texnikumlarning birida, tiqilinch sharoitda zax bosgan holda saqlanmoqda. Kutubxonadan o‘quvchilar oyog‘i uzilgan, jamoaning ishlashi uchun sharoit yo‘q. Yozuvchilar uyushmasining viloyat bo‘limi ham xuddi shunday turar joysiz holatda kun ko‘rmoqda.

Ikkinchidan, Prezident maktabi, avvalo mahobatli, qolaversa sharoiti bo‘yicha dunyo andozalari darajasida qurilmog‘i maqsadga muvofiq. Andijon shahri atrofida ko‘zga ko‘rinarli binolar qurilishiga munosib hududlar ko‘p. Shulardan biri shahar chegarasidagi O‘rikzor massivi bo‘lib, bu yerda xalq puliga qurilgan va me’moriy yechimi bo‘yicha tabiiy uyg‘unlik kasb etgan «Vodiy faol yoshlari» majmuasi bir necha yildirki, kimsasiz bir holatda turibdi.

Hokimning ko‘zga cho‘g‘dek ko‘ringan tahriyat binosi 1972-1975 yillarda respublikaning o‘sha paytdagi rahbari, rahmatli Sharof Rashidov tashabbusi bilan qurilgan. Bu tahririyatning 50 yillik yubileyiga to‘yona bo‘lgandi. Bu yil, «Andijonnoma» 100 yilligini nishonlaydi, nasib… Katta sana arafasida shundog‘am qiyin sharoitda qolgan tahririyatni binosidan mosuvo etilishi ehtimoli yuzaga kelayotgani, juda yumshoq aytganda, yaxshi emas. Qolaversa, bino shunchalar mustahakam qurilganki, uni buzishning o‘zi juda katta chiqim talab etadi. O‘rniga yangisini qurishni-ku aytmang…

Yana bir gap. Mo‘ljallanayotgan binolar viloyatning birinchi raqamli ko‘chasida bo‘lib, transport qatnovida tirbandlik darajasi o‘ta yuqori va hali bu holat bartaraf etilishi ehtimoli ham juda past.

Ustiga-ustak, tahririyat binosidan hozirgi paytda viloyat axborot va ommaviy kommunikasiyalar boshqarmasi, O‘zbekiston Jurnalistlari ijodiy uyushmasi viloyat bo‘limi, «Xalq so‘zi» gazetasi hamda O‘zbekiston milliy axborot agentligi hududiy muxbirlari ham qo‘nim topgan.

Ularning taqdiri nima bo‘ladi?

Xullas, voqealar rivojidan xavortirga tushgan «Andijonnoma» tahririyati jurnalistlari Prezidentga murojaat qilishdi.

Biroz o‘tib, Andijon viloyati hokimligi Matbuot xizmati ushbu holat yuzasidan rasmiy bayonot berdi:

«Hozirda Prezident maktablari Qoraqalpog‘iston Respublikasi, Namangan va Xorazm viloyatlari hamda Toshkent shahrida faoliyat yuritmoqda.

Shuningdek, 2021-yilda Navoiy, Surxondaryo, Sirdaryo, Toshkent va Andijon viloyatlarida Prezident maktablari qurilishi rejalashtirilgan.

Ushbu maktab Navoiy shoh ko‘chasida joylashgan Andijon shahar hokimligi va tahririyat binolarining o‘rnida bunyod etilishi rejalashtirilgan.

Biroq tahririyat xodimlarining xavotiriga o‘rin yo‘q. Tahririyat uchun Andijon shahri markazida barcha qulaylik va sharoitlarga ega, zamonaviy bino qurib bitkazilib, tahririyat ko‘chirib o‘tkazilgandan so‘ng qurilish ishlari amalga oshiriladi», deyiladi bayonotda.

Manba

Muhokama qilish (0 ta sharh)

Javob berish


  • Telegram
    photo
    18.03.2024

    Buxoroda maktab o‘quvchilarini olib ketayotgan avtobus va yuk mashinasi o‘rtasida sodir bo‘lgan avariya oqibatida o‘quvchi halok bo‘ldi (video)

    photo
    29.02.2024

    Buxorodagi san’at maktabida usta pianinoni keti bilan chalgani rostmi yoxud feyk-xabar ortida nima turibdi?

    photo
    27.02.2024

    Buxorolik tadbirkorning o‘z joniga qasd qilgani rostmi yoxud yolg‘on xabar ortida shaxsiy manfaat turibdimi?

    photo
    26.02.2024

    Buxoroda aeroport orqali qadimiy tangalarni Dog‘istonga olib ketishmoqchi bo‘lishdi

    photo
    23.02.2024

    Har bir murojaat e’tiborda — Davlat kadastrlari palatasi Buxoro viloyati boshqarmasi

    photo
    09.02.2024

    Ipoteka krediti asosida olingan uy-joyni kreditni to’lamasdan boshqa shaxsga sotish mumkinmi?

    photo
    31.01.2024

    Huquqshunos sharhi: talabalar ham oliygohdan “suyunchi puli” olishga haqli

    picture
    25.01.2024

    Murodjon Umarov O‘zbekiston mahallalari uyushmasi Buxoro viloyati boshqarmasi boshlig‘i etib tayinlandi

    picture
    23.01.2024

    Jinoyat ishlari bo‘yicha Qorako‘l tumani sudi raisi Boborahim Achilovga hayfsan berildi

    picture
    19.01.2024

    “Yordam beringlar, otam onamni o‘ldiryapti!” — 20 yillik turmushdan so‘ng qorako‘llik erkak o‘z xotinini bolalari ko‘z o‘ngida o‘ldirdi

    picture
    18.01.2024

    G‘ijduvonlik “uddaburon” tanishining xonadonidan tamaki kontrabandasi uchun foydalanmoqchi bo‘ldi

    picture 1
    17.01.2024

    Markaziy bankning Buxorodagi rahbari Erkin Mansurovning 20 mln dollarlik jinoyat ishidagi aybi isbotlanmadi

    picture
    17.01.2024

    Buxoroda bojxona orqali jangovor o‘qlarni olib o‘tishga urinish bo‘ldi

    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.