Bugun, 27-fevral buxorolik taniqli shoir Bobur Bobomurod tavallud topgan kun

Bugun, 27-fevral kuni – Oʻzbekistonda xizmat koʻrsatgan madaniyat xodimi, buxorolik taniqli shoir Bobur Bobomurodni tavallud topgan kun.

Shukrona kun munosabati bilan Bobur Bobomurodga eng avvalo, mustahkam sog‘lik, uzoq umr, ijodiy muvaffaqiyat, xayoliy hamda hayotiy parvozlar tilaymiz!

Maʼlumot uchun, Bobur Bobomurod 1968-yilda Buxoro shahrida tug‘ilgan.

Uning shu paytga qadar bir qancha sheʼriy toʻplamlari chop etilib, ulardagi sheʼrlarning bir qanchasi oʻzbek xonanadalari tomonidan qoʻshiq qilib kuylangan. Jumladan, quyidagi “Ko‘zgudagi odam”, “Yolg‘iz qolgan ayol”, “Muhabbat yolg‘onlari”, “Elim bo‘ldi davlatli”, “Buxorodan kuyov qiling”, “Esiz odam”, “Chimyon taronalari”, “Sukutdagi go‘zal”, “Umr bahori”, “Bir kun kelib”, “Yuragim”, “Xudo bergan o‘zbekka”, “Ko‘rgim kelar sizni negadir”, “Vatan mehri” to‘plamlari chiqarilgan. Shuningdek, yaqin orada 3 jildlik saylanma va bir qator to‘plamlari nashr etilish arafasida.

U 1998-yildan buyon O‘zbekiston Yozuvchilar Uyushmasi a’zosi hisoblanadi. Bir necha yil oldin “O‘zbekistonda xizmat ko‘rsatgan madaniyat xodimi” unvoni bilan taqdirlangan.

Ayni kunlarda ijod va jamoatchilik ishlarii bilan faol shugʻullanib kelmoqda.

Ayni vaqtda Toshkent Moliya institutida ilmiy-adabiy maslahatchi va Toshkent shahri, Yunusobod tumanidagi 220-o‘rta ta’lim maktabida ijodiy-madaniy masalalar bo‘yicha targ‘ibotchi vazifalarida faoliyat yuritib kelmoqda.