Muhim! Kundalik.com tizimiga o‘zgartirishlar kiritildi

Endi o‘qituvchi Kundalik.com da bitta sahifada ham uy vazifasini berishi, ham baho qo‘yishi, ham mavzuni ko‘rishi mumkin. Bu haqda Maktabgacha va maktab ta’limi vazirligi ma’lum qildi.

Shuningdek, “Kun uchun jurnal” da “dars o‘tkazildi” katagiga belgi qo‘yish mumkin bo‘ldi. Endi o‘qituvchilar “Kun uchun jurnal” da davomat va baholarni hamda darhol dars o‘tkazilganligini belgilashlari mumkin.

O‘qituvchilar jurnalni avvalgidek, Kundalik.com ning web-talqini va mobil telefon (shu jumladan, “Kundalik.Teacher” ilovasi) da to‘ldirishlari mumkin.

Direktorlarning tarbiyaviy ishlar bo‘yicha o‘rinbosarlari uchun “Ma’naviyatni boshqarish”, “Maktab” hamda “Ma’naviyat boshqaruvi”, “Sinf rahbari” uchun davomat hisobotlari paydo bo‘ldi. Bu esa o‘z navbatida nazorat qiluvchi organlarga ma’lumotlarni uzatishni soddalashtiradi.