Buxoroda Navoiyga bag‘ishlangan insholar tanlovi yakunlandi

“Hazrat Navoiyni anglash — o‘zligimizni anglash” insholar tanlovining Buxoro viloyati bosqichi g‘oliblari aniqlandi

Buyuk mutafakkir va shoir, davlat arbobi Alisher Navoiy merosini chuqur anglash, yoshlar qalbida milliy o‘zlik va ma’naviy tafakkurni mustahkamlashga qaratilgan mazkur insholar tanlovining viloyat bosqichi muvaffaqiyatli yakunlandi.

Tanlov Buxoro shahridagi 44-umumta’lim maktabida tashkil etildi. Unda tuman va shahar bosqichlarida g‘olib bo‘lgan 7–11-sinf o‘quvchilari ishtirok etdi.

Yosh ijodkorlar o‘z insholari orqali Navoiy hazratlarining boy ma’naviy merosi, insonparvarlik g‘oyalari va hayotiy falsafasini talqin etib, o‘z ichki dunyosi, mustaqil fikri va adabiy salohiyatini namoyon etdilar.

Hakamlar tanloviga ko‘ra g‘oliblar quyidagi maktablar o‘quvchilari g‘olib bo‘lishdi:

1-o‘rin: Buxoro shahrigi  20-maktab  o‘quvchisi Madinabonu Sharapova;

2-o‘rin: Kogon tumanidagi 20-maktab o‘quvchisi Sug‘diyona Ramazonova;

3-o‘rin: Buxoro tumanidagi 21-maktab o‘quvchisi Muhammadali Xoliqov.

Mazkur tanlov yosh avlod qalbida adabiyotga muhabbat, ma’naviy merosga ehtirom va mustaqil fikrlash madaniyatini shakllantirishda muhim ahamiyat kasb etadi.