Buxoroda yo‘lovchi tashish yo‘nalishlari bo‘yicha ochiq tender e’lon qilindi

Yo‘lovchi tashish faoliyati bilan shug‘ullanuvchi korxona rahbarlari uchun navbatdagi ochiq tender o‘tkazilishi ma’lum qilindi. Tender O‘zbekiston Respublikasi Vazirlar Mahkamasining 2021-yil 6-dekabrdagi 738-son qarori ijrosini ta’minlash doirasida tashkil etilmoqda.

Ma’lumotlarga ko‘ra, ochiq tender 2026-yil 21-may kuni soat 12:00 da bo‘lib o‘tadi. Unda yo‘lovchi tashish yo‘nalishlarini uzoq muddatli shartnoma asosida tashuvchilarga biriktirish rejalashtirilgan. Ishtirok etish uchun arizalar va takliflar maxsus elektron platforma orqali qabul qilinadi.

Tenderda qatnashmoqchi bo‘lgan talabgorlar hujjatlarini e-tender.uztrans.uz veb-saytii orqali taqdim etishi lozim.

Mazkur tender doirasida quyidagi shahar atrofi yo‘nalishlari lot sifatida chiqarilgan:

• 397 — G‘ijduvon avtostansiyasi – Mazragan (ikkala tomondan) (M3)
• 348 — Xo‘jaubbon – Buxoro avtovokzali (ikkala tomondan) (M1)
• 467 — “Raboti Qozi” MFY – 5-kichik nohiya (ikkala tomondan) (M1)

Mutasaddilar ushbu tender orqali yo‘lovchi tashish xizmatlari sifatini oshirish, aholiga qulay va xavfsiz transport xizmatlarini taqdim etish maqsad qilinganini ta’kidlamoqda.