Munajjimlar bashorati (15.08.2026)

2026-yilning 15-avgust, shanba kuni uchun munajjimlar bashorati

Qo‘y (21.03 — 20.04)
Kechqurun muhabbatda oila qurmaganlardan kimdir aldanib qolishi mumkin. Bu restoran yoki kafega taklif etish amali bilan boshlanadi.

Buzoq (21.04 — 21.05)
Hayotingizda ba’zi voqealar sizga zerikarlidek tuyila boshlaydi. Biroq aslida unday emas. Kayfiyatingiz kechirishingiz lozim bo‘lgan kunga moslashishi zarur. Shunda bu tuyg‘u sizni tark etadi.

Egizaklar (22.05 — 21.06)
Ertalab ishxonadami, ko‘chadami g‘alati bir odam bilan tanishib qolishingiz ehtimoli bor. Ammo bu odam kelgusida sizga juda kerakli shaxsga aylanishi mumkinligini unutmang.

Qisqichbaqa (22.06 — 23.07)
Shaxsiy hayotda ko‘ngilsizliklarga duch kelmaslik uchun sabrli va xotirjam bo‘lishingiz talab etiladi. Iloji boricha uydagilarga muloyim munosabat yuriting.

Arslon (24.07 — 23.08)
Pullaringizni ehtiyot qiling. Ayniqsa, jamoat transportida harakatlanish jarayonida firibgar va kissavurlarga yo‘liqishdan saqlaning.

Parizod (24.08 — 23.09)
Kimdir sizni nima bilandir aybdor qilishga urinib ko‘radi. Bunday vaziyatdan do‘stlar va tafakkur ko‘magidagina chiqib keta olasiz.

Tarozi (24.09 — 23.10)
Tarozining ikki pallasi teng bo‘lishiga erishish uchun intiling. Shunday ishlarga qo‘l uringki, six ham, kabob ham kuymasin.

Chayon (24.10 — 22.11)
Moliyaviy jihatdan jar yoqasida qolishni xohlamasangiz, o‘z kuch va imkoniyatlaringizni astoydil ishga soling. Aqlni peshlang. O‘tgan kunlarda ishlab topilgan pullarni tejang.

O‘qotar (23.11 — 21.12)
Shaxsiy hayotingizga o‘zingizcha yangiliklar kiritishga urinmang. Jiddiy xatoga yo‘l qo‘yishingiz, bu xato juda qimmatga tushishi mumkin. Sevgan insoningiz uchun kun davomida vaqt ajrating.

Tog‘ echkisi (22.12 — 20.01)
Kunning birinchi yarmida oilangizdagilar yoki do‘stlar bilan janjallashib qolishingiz ehtimoli bor. Ajablanarlisi, bu janjalda sizni ayblay boshlashadi.

Qovg‘a (21.01 — 19.02)
Qayerda bo‘lmang, yurish-turishingizni, emotsiyani nazorat qila biliingiz zarur. Hatto toqqa borib dam olsangiz ham o‘zingizni juda ehtiyotkor tuting.

Baliq (20.02 — 20.03)
Uyingizga u qadar uzoq bo‘lmagan yerga borib dam olsangiz ham ziyon ko‘rmaysiz. Qarindosh-urug‘lar bilan uchrashib suhbatlashish sizga muammolardan qisqa vaqtga bo‘lsa-da chalg‘ishda yordam beradi.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…