Yangi yildan pensiya puli oshishi rostmi?

Bundan bir necha kun oldin Prezident Shavkat Mirziyoyev “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuniga o‘zgartishlar kiritish haqida” gi O‘zbekiston Respublikasi Qonunini imzoladi, – deya xabar bermoqda Pensiya jamg‘armasi.

Unga muvofiq, 2023-yilning 1-yanvaridan pensiyani hisob-kitob qilish uchun ish haqining maksimal miqdori pensiyani hisoblash bazaviy miqdorining 10 barobaridan 12 barobarigacha oshiriladi.

Pensiya jamg‘armasining tushuntirishicha, yangi tartib nafaqat 2023-yil 1-yanvardan keyin pensiyaga chiqadigan fuqarolar uchun, balki 2023-yil 1-yanvardan oldin tayinlangan pensiyalar uchun ham tatbiq etiladi.

Ya’ni o‘rtacha ish haqi pensiyani hisoblash bazaviy miqdorining 10 barobari (bugungi kunda 3 240 000 so‘m) dan yuqori bo‘lgan pensionerlarning pensiyasi 2023-yil 1-yanvardan qayta hisoblanadi.

Shunda o‘rtacha ish haqi pensiyani hisoblash bazaviy miqdori 3 888 000 so‘m bo‘ladi.

Natijada, 352 000 dan ortiq fuqaroning pensiyasi qaytadan hisob-kitob qilinadi va kelgusi yilda Pensiya jamg‘armasidan qo‘shimcha ravishda 1,5 trln so‘mdan ortiq mablag‘lar ajratiladi.