Cobalt dagi yolg‘ondakam “Груз 200”

Jizzaxda mashinasida inson jasadi borligini aytgan erkakning yo‘lg‘onini organ xodimlari fosh qilishdi

Joriy yilning 7-yanvar kuni Jizzax viloyati hududida joylashgan «Manas-14» muntazam YPX maskanida xizmat olib borgan YPX xodimlari tomonidan ushbu maskandan harakatlanib o‘tayotgan davlat raqam belgisi ustiga «Gruz-200» yozuvi yozilgan qog‘ozni yopishtirib olgan «Kobalt» rusumli avtomobil to‘xtatilganda, haydovchi avtomobilda inson jasadini ayrim sabablarga ko‘ra olib ketayotganligini aytgan.

Xolislar ishtirokida avtomobil saloni va yukxonasi tekshirilganda, haydovchining so‘zlari yolg‘on ekanligi, haydovchi yo‘llardagi fotoradarlarga tushib qolmaslik, tezlikni me’yoridan oshirib transport vositasini boshqarish maqsadida ana shunday yolg‘onni o‘ylab topganligi ma’lum bo‘lgan.

Eslatib o‘tamiz: Davlat raqam belgisi yasama yoki o‘zga usullarda o‘zgartirilgan transport vositalarini boshqarganlik uchun BHMning 10 barobari miqdorida jarimaga tortilishga sabab bo‘ladi.

Manba