Olotda 8 milliard 510 million sömga uç kilometrlik kanalböyi sayilgohi barpo etilmoqda

Olot tumanida “Amu–Buxoro” kanali böyida umumiy qiymati 8 milliard 510 million sömlik sayilgoh loyihasi amalga oşirilmoqda. Loyiha kanal sohilining 3 kilometrlik qismini obodonlaştirişni qamrab oladi. Bu haqda Buxoro viloyati hokimligi Buxoroişarif.uz internet naşriga ma’lum qildi.

Yangi dam oliş maskani Xalifa va Jayxunobod mahallalari hududidan ötuvçi kanal böyida barpo etilmoqda. 2026-yilda tuman markazida taşkil etilgan “Sohil böyi” maskanidan keyin amalga oşirilayotgan uşbu taşabbus aholi uçun yana bir qulay va xavfsiz hordiq hududini yaratişga qaratilgan.

Quriliş-bunyodkorlik işlarida “Vobkent mukammal quriliş” MÇJ işçi va mutaxassislari iştirok etmoqda. Loyiha hududning mavjud imkoniyatlaridan samarali foydalaniş, mahallalar qiyofasini yaxşilaş va zamonaviy infratuzilmani rivojlantirişni közda tutadi.

Loyihaga muvofiq, uç kilometrlik sohil hududi tartibga keltirilib, manzarali daraxtlar ekiladi va yaşil maydonlar barpo etiladi. Kökalamzorlarni saqlaş hamda kengaytiriş uçun zamonaviy suğoriş tizimini joriy etiş rejalaştirilgan.

Şuningdek, piyodalar va velosipedçilar uçun qulay yölaklar qurilib, zamonaviy yoritiş çiroqlari örnatiladi. Bu aholi gavjum hududda sayr qiliş va faol dam oliş uçun zarur şaroit yaratişga xizmat qiladi.

Loyiha doirasida yangi köprik quriş va kanal atrofini xavfsizlik talablariga muvofiq tösiş ham közda tutilgan. Bolalar öyin maydonçalari, sport va dam oliş hududlarini taşkil etiş rejalaştirilmoqda.

Sayilgoh barça yoşdagi aholi uçun qulay va xavfsiz bölişi maqsad qilingan. Hokimlik bunday maskanlar oilalarning birgalikda mazmunli vaqt ötkazişi, bolalar öynaşi, yoşlar sport bilan şuğullanişi va aholining tabiat qöynida sayr qilişi uçun xizmat qilişini qayd etdi. Loyiha yaşil hududlarni köpaytiriş, turmuş sifatini yaxşilaş va soğlom turmuş tarzini tarğib etişga qaratilgan.