Buxoro shahri maktablarida IIB o‘quvchilar uchun maxsus tadbir tashkil qildi

Buxoro viloyat IIB inspektor-psixologlari tomonidan Buxoro shahridagi 30-, 31-, 32-, 39-sonli umumiy o‘rta taʼlim maktablarida navbatdagi “Davomat” va “Tig‘” tadbirlari o‘tkazildi, – deya xabar bermoqda tashkilot matbuot xizmati.

Bunda, maktab mas‘ullari, o‘qituvchi va o‘quvchilar o‘rtasida savol-javoblar orqali turli illatlarning salbiy oqibatlari, firibgarlik, o‘g‘irlik va kiber jinoyatchilik qurboniga aylanib qolmaslik, pirotexnika vositalarining noqonuniy muomalasini bartaraf etish choralari batafsil tushuntirilib, fuqarolarning huquqiy savodxonligini oshirishga doir suhbatlar olib borildi.

Mahallalarda ko‘cha va jamoat joylari, maktablar, korxonalarda yoshlar ishtirokida “Huquqbuzarlik va jinoyatchilikni oldini olish” mavzularida umumiy va viktimiologik ishlari olib borildi.