IIB Buxoro shahar Madaniyat bo‘limi hisobchisini oʻz uyida qoʻlga oldi

Buxoro shahar Madaniyat bo‘limi 40 yoshli hisobchisi qoʻlga olindi, – deya xabar bermoqda Buxoro viloyati IIB matbuot xizmati. U o‘z xizmat mavqeidan foydalanib, boshqa bir fuqaroni aldab, uni madaniyat bo‘limiga kutubxonachi vazifasiga ishga kiritishni vaʼda qilgan. Buning evaziga esa 2 200 000 so‘m berishini talab qiladi.

Eng achinarlisi, hisobchi joriy yilning 16-dekabr kuni tezkor tadbir davomida o‘zi yashab kelayotgan uyda ushlangan. Aniqrogʻi, Buxoro viloyati huquq-tartibot organlari tomonidan talab qilingan pullarni olgan vaqtida ashyoviy dalillar bilan qo‘lga olingan.

Mazkur holat yuzasidan O‘zbekiston Respublika Jinoyat Kodeksining 168-moddasi, 3-qismi bilan jinoyat ishi qo‘zg‘atilib, hozirgi kunda dastlabki tergov harakatlari olib borilmoqda.