Bugun, 12-yanvar kuni Gʻijduvon tumanidagi 14 ta mahallada tabiiy gaz taʼminoti nega toʻxtatilgani maʼlum qilindi

Ta’mirlash ishlari olib borilishi sababli, Gʻijduvon tumanidagi ba’zi mahallalarda tabiiy gaz ta’minoti vaqtinchalik to‘xtatildi, – deya xabar bermoqda “Hududgaz Buxoro” gaz ta’minoti filiali.

Xususan, Gʻijduvon tumanidagi quyidagi mahallalar iste’molchilari bugun, 12-yanvar kuni soat 08:30 dan 13:00 ga qadar gaz ta’minotidan uzib qo‘yildi:
1. “Paxtaobod” mahallasi;
2. “Ayrton” mahallasi;
3. “Amirobod” mahallasi;
4. “Toshloq” mahallasi;
5. “Koʻkcha” mahallasi;
6. “Qorabogʻ” mahallasi;
7. “Sarvari” mahallasi;
8. “Poskati” mahallasi;
9. “Kalon” mahallasi;
10. “Olmazor” mahallasi;
11. “Tavariyon” mahallasi;
12. “Xalqobod” mahallasi;
13. “Qoraxoni” mahallasi;
14. “Baraka” mahallasi.

Bunga asosiy sabab, Shofirkon tumani hududida joylashgan va Gʻijduvon tumani aholisini tabiiy gaz bilan taʼminlayotgan “Shofirkon 2” stansiyasida yuzaga kelgan avariyali holatni bartaraf etish ishlari bajarilmoqda.

Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi.