Buxoro yangiliklari

Sinf xonalari sovuq boʻlsa, darslar online boʻladi. Faqat Buxoroda emas. Nega?

Maktabgacha va maktab ta’limi vazirligining xabar berishicha, 23-yanvardan O‘zbekistonning barcha hududlaridagi maktablarda III chorak darslari boshlanadi.

Issiqlik ta’minotida muammosi bo‘lgan maktablar holat yaxshilanguniga qadar o‘qishni vaqtincha masofadan olib borilishiga ruxsat etiladi.

Qaysi maktablar vaqtincha masofadan ta’lim olishlari haqida hududlarning ijtimoiy tarmoq kanallari hamda maktab rahbarlari tomonidan bevosita ota-onalarga xabar beriladi.

Lekin, Buxoro viloyati xalq ta’limi boshqarmasining maʼlum qilishicha, viloyatimizdagi barcha umumtaʼlim maktablarida darslar anʼanaviy tarzda oʻtkaziladi. Bundan bilib olish mumkinki, mavjud oʻquv dargohlarida issiqlik tizimi sozlangan va oʻquvchilar darslari oʻtadigan xonalar belgilangan meʼyorlar darajasida issiq.

“Buxoro viloyati hokimligining tegishli bayoniga asosan, ertaga, 23-yanvar kunidan viloyatimizda mavjud 530 ta umumta’lim maktablarining barchasida o‘quv jarayonlari to‘liq an’anaviy tarzda boshlanishini ma’lum qilamiz”, – deyiladi boshqarma eʼlon qilgan xabarda.

Demak, ertaga, hamma oʻquvchilar oʻz maktablariga yoʻl olishadi. Yangi chorak muborak!

Muhokama qilish (0 ta sharh)