Husenali Husenov Buxoro olimpiya va paralimpiya sport turlariga tayyorlash markazi direktori lavozimiga tayinlandi

Bugun, 24-yanvar kuni Buxoro olimpiya va paralimpiya sport turlariga tayyorlash markazi faollar zalida navbatdan tashqari yig‘ilish bo‘lib o‘tdi.

Unda Buxoro viloyat Sportni rivojlantirish bosh boshqarmasi boshlig‘i O‘tkir Nadjimidinov va markaz faollari, ishchi-xodimlari ishtirok etishdi.

Yig‘ilishda Buxoro viloyati Kogon tumani sport maktabida direktorlik lavozimida faoliyat yuritib kelgan Husenov Husenali Mahmudovich O‘zbekiston Respublikasi Yoshlar siyosati va sport vazirining joriyning 23-yanvardagi 10-K-sonli buyrug‘iga asosan, Buxoro olimpiya va paralimpiya sport turlariga tayyorlash markazi direktori lavozimiga tayinlanganligi ma’lum qilindi.

H. Husenov 2014–2015-yillar davomida 6-son ixtisoslashtirlgan bolalar va o‘smirlar sport maktabida boks bo‘yicha murabbiy, 2015—2019-yillarda O‘zbekiston Respublikasi Jismoniy tarbiya va sport vazirligi huzuridagi Jismoniy tarbiya va sportni rivojlantirish jamg‘armasi Buxoro viloyat hududiy bo‘linmasining mutaxassisi, 2020—2022-yillarda O‘zbekiston Milliy Olimpiya qo‘mitasi Buxoro viloyati hududiy vakili lavozimlarida faoliyat yuritgan.

Tayinlovga qadar Kogon tuman bolalar-o‘smirlar sport maktabi direktori lavozmida ishlagan.