Mesut O‘zil

Har o‘yindan oldin Qur’on o‘qiydigan futbolchi

Germaniyalik yarim himoyachi Mesut O‘zil jurnalistlarga bergan intervyusida sportchilik faoliyatining boshidanoq ibodatsiz maydonga tushmasligini tan oldi.

«Men musulmonman. Qur’on oyatlarini o‘qiyman. Men shuningdek, Allohdan jamoamiz yaxshi o‘yin ko‘rsatishini va hamma sog‘-salomat bo‘lishini so‘rayman», – deydi Mesut O‘zil deb yozadi O‘zbekiston musulmonlari idorasi matbuot xizmati.

O‘zil «Fenerbaxche» futbolchisi sifatida tanishtirildi. Matbuot anjumanida yarim himoyachi har doim o‘zini «Fenerbaxche»ning bir qismi deb hisoblashini va bolaligidanoq ushbu klubda o‘ynashni orzu qilganini aytib o‘tdi. Futbolchi Turkiya klubida 67-raqam ostida to‘p suradi.

O‘zil endi Germaniya terma jamoasida o‘ynash niyatida emasligini aytdi. Uning qarori tomoshabinlarda olqishlarga sazovor bo‘ldi.

«Terma jamoaga qaytishga tayyormanmi? Men o‘z yo‘limga boraman va hech qachon ortga qaytmayman. Shunday qilib, yo‘q. Terma jamoaga barcha yaxshi tilaklarimni bildiraman, ammo u yerda hech qachon o‘ynamayman», – deydi O‘zil.

Mesut O‘zil ilgari 2014 jahon chempioni va 2010 jahon chempionati bronza medali sovrindori bo‘ldi va 2012 va 2016 Yevropa chempionatida bronza medalini qo‘lga kiritdi. Germaniya terma jamoasida o‘ynagan etnik turk hisoblanadi.

Islam.ru ma’lumotlariga ko‘ra, yarim himoyachining Turkiya Prezidenti Rajab Toyyib Erdo‘g‘on bilan birgalikdagi surati sabab nemis jamoatchiligi tanqididan so‘ng «irqchi va adolatsiz muomala» ni his qilayotganini aytib, «Bundestim»ni tark etdi.

Manba