Dzyudo. “Universiada 2022” finalida Buxoro viloyati jamoasi gʻolib boʻldi

Kuni kecha oʻtkazilgan “Universiada 2022” musobaqasi finali bosqichida dzyudo bo‘yicha Buxoro viloyati jamoasi umumjamoa hisobida g‘olib bo‘lishdi.

Oliy ta’lim muassasalari talabalari o‘rtasida sportning dzyudo turi bo‘yicha “Universiada-2022” musobaqasining respublika final bosqichida Buxoro davlat universiteti talabalaridan tashkil topgan Buxoro viloyati terma jamoasi umumjamoa hisobida 1-o‘rinni egallab, mutlaq g‘olib deb topildi. Bahslar Navoiy viloyatida bo‘lib o‘tdi.

Shuningdek, mazkur bellashuvlarda buxorolik sportchilarimiz faxrli oʻrinlarni egallashdi:

1-o‘rin:
-60 kg vazn toifasida Karimov Sobirjon;
-73 kg vazn toifasida Bekmurodov Alibek;
-100 kg vazn toifasida Erkinov Murod.

2-o‘rin:
+100 kg vazn toifasida Bobojonov Jalolladdin;
-63 kg vazn toifasida Farmonova Gulshod.

3-o‘rin:
-90 kg vazn toifasida Amonov Muhammadqodir;
+78 kg vazn toifasida Ro‘ziyeva Marjona.