Milliy gvardiya boshlig‘i nega buxorolik Muzaffar Rajabov tashkil qilgan klubga bordi?

Xabaringiz bor, Buxoroda yakkakurash turlarining rivojida O‘zbekiston MMA assotsiatsiyasi hamda kikboksing federatsiyasining vitse-prezidenti, Buxoro qo‘l jangi va MMA federatsiyasi rahbari, WTKF bo‘yicha jahon chempioni, ATF Championship promousheni asoschisi Muzaffar Radjabovning o‘z o‘rni bor. Ushbu sportchi tarixiy shaharda “Amir Temur” klubini tashkil qilib, ko‘plab chempionlarni tarbiyalamoqda.

Muzaffar Radjabovning maʼlum qilishicha, mazkur zalda 6 ta sport turidan 2 000 ga yaqin yoshlar bepul tarzda mashg‘ulotlar olib borish imkoniyatiga egalar.

Milliy Gvardiya Buxoro viloyati boshqarmasi matbuot xizmatining xabar berishucha, 2023-yilning 20-fevral kuni boshqarma boshlig‘i polkovnik J. Shernazarov “Amir Temur” klubi sport zaliga tashrif buyurdi hamda bu yerda sportchilar uchun yaratilgan sharoit va qulayliklar bilan yaqindan tanishdi. Xususan, musobaqalarga ko‘rilayotgan tayyorgarlik jarayoni, sportchilarning jismoniy holati va kutilayotgan natijalar haqida klubi asoschi Muzaffar Rajabov bilan suhbat qildi.

Uchrashuv yakunida J. Shernazarov sportchilar va ularning murabbiylari bilan uchrashib, yaqinlashayotgan musobaqalarda muvaffaqiyatli ishtirok etishlari, tayyorgarlik jarayonlarini yuqori darajada olib borishlari va albatta g‘olib bo‘lishlariga ishonch bildirdi.