Ekvador qayta ishlangan kokaindan binolar qurishni boshladi

Mamlakat ushbu texnologiyadan foydalanadigan dunyodagi birinchi davlat bo‘ldi.

Ekvador davlati qayta ishlangan kokaindan binolar qurishni boshladi. Mamlakat ushbu texnologiyadan foydalanadigan dunyodagi birinchi davlat bo‘ldi. Bu haqda Reuters nashri xabar bermoqda.

Qayd etilishicha buning sababi — mamlakatda musodara qilingan taqiqlangan moddalar hajmining ekstremal darajaga yetganligida.

Har hafta kokainning ko‘p sonli paketlari qayta ishlash zavodlariga yuboriladi va u yerda boshqa chiqindilar bilan birga eziladi. Hosil bo’lgan kukun sement, qum va suv bilan aralashtiriladi. Buning natijasida, qurilishda fundamentga qo’shiladigan ma‘lum bir qorishma tayyor bo‘ladi.

Ta’kidlanishicha, kokainni yo‘q qilishning bunday usuli uni yondirishdan ko‘ra, bir necha baravar tezroq hisoblanadi.

Ma’lumotlarga ko‘ra, Ekvadorda allaqachon 350 tonna kokain qayta ishlangan va mamlakat hosil bo’lgan qorishmadan binolar qurishni boshlagan.

Eslatib o‘tamiz, avvalroq Ekvadorda mamlakatdagi birinchi metro liniyasi ishga tushirilgani haqida xabar bergan edik.