Voyaga yetmagan yoshlar bilan psixo-profilaktik ishlar o‘tkazildi

Voyaga yetmaganlarning jinoyat qilishi, huquqbuzarliklar sodir etishi bir oila uchungina emas, ayni paytda jamiyat uchun ham zarar. O‘smirning jamiyat axloqiy mezonlari talablariga javob beradigan darajada tarbiya olmaganligi uning jinoiy hatti-harakatlar sodir etishiga olib keladi. 

Milliy gvardiya Buxoro viloyati bo‘yicha boshqarmasi psixologlari tomonidan voyaga yetmaganlarning huquqlari, erkinliklari va qonuniy manfaatlari himoya qilinishini ta’minlash bo‘yicha kompleks chora-tadbirlar amalga oshirilmoqda.

Xususan, kuni kecha Milliy gvardiya Buxoro viloyati bo‘yicha boshqarmasi psixologlari tomonidan Buxoro viloyati IIB ga qarashli Huqubuzarliklarni oldini olish bosh boshqarmasi voyaga yetmaganlar reabelitatsiya markaziga tashrif buyurilib, ularning holidan xabar olindi. Tadbir davomida Milliy gvardiyaning tajribali psixologlari yoshlar bilan ijtimoiy-huquqiy masalalarda jamoaviy hamda individual suhbat qurishib, ularning hayotga bo‘lgan qiziqishini yanada oshirishda o‘zlarining hissalarini qo‘shishdi hamda sovg‘alar ulashishdi.