Musulmonlar boshqa din vakillariga qanday munosabatda bo‘lishi kerak?

Savol: Bolaligimizdan turli millat vakillari bilan qo‘shni bo‘lib yashab kelamiz. Qo‘shnichilik munosabatlarimiz yaxshi, inoqmiz. Musulmonlar boshqa din vakillariga qanday munosabatda bo‘lishi kerak?

Javob: Alloh taolo bunday marhamat qiladi: “Albatta, Alloh adolat qiluvchilarni yaxshi ko‘radir. Albatta, Alloh sizlarni diniy urush qilganlar, diyoringizdan chiqarganlar va chiqarilishingizga yordam berganlarga do‘stlik qilishdan qaytarur. Ularni do‘st tutganlar, ana o‘shalar, zolimlardir” (Mumtahana surasi, 8–9-oyatlar).

Alloh taolo bu oyati karimada mo‘min-musulmonlarni boshqa millat va din vakillari bilan, agar ular musulmonlarga diniy adovat ila urush qilmasa va ularni siquvga olib o‘z diyorlaridan chiqarib yuborishga urinmasa, yaxshi aloqada bo‘lishga buyurmoqda va ularga nisbatan adolatli bo‘lishni ta’kidlamoqda.

Ammo kim musulmonlarga diniy adovat tufayli urush ochsa, ularni diyorlaridan chiqarsa yoki dushmanlariga ularni diyorlaridan chiqarishda yordam bersa, albatta, unday kishilarni do‘st tutib bo‘lmaydi. Bu ham ayni adolatdir.

Manba: O‘zbekiston musulmonlari idorasi Fatvo hay’ati.