Buxoro tumanidagi 18-maktab o‘qituvchisi dars jarayonida o‘quvchini kaltakladi

2023-yilning 1-mart kuni Telegramdagi “Bukhara Info!” kanalida Buxoro tumani 18-umumta’lim maktabida tahsil oladigan o‘g‘lini shu muassasa o‘qituvchisi kaltaklagani va darslardan so‘ng uyga qaytgan o‘quvchi oyoqlari va orqa bel qismidan pastrog‘ida haligacha kaltak izlari borligini aytib, shikoyat qilgan.

Mazkur murojaat viloyat xalq ta’limi boshqarmasi tomonidan nazoratga olinib, holat mas’ullar tomonidan o‘rganib chiqildi, deya xabar bermoqda viloyat XTB matbuot xizmati.

O‘rganishlar natijasida aniqlanishicha, 2023-yilning 28-fevral kuni maktabning jismoniy tarbiya fani o‘qituvchisi U. A. 3-“A”sinfida olib borayotgan mashg‘ulot jarayonida tartibsizlik qilgan o‘quvchini tartibga chaqirish maqsadida urganligi ayon bo‘ldi.

Maktabning ichki tartib va odob-axloq qoidalariga zid hatti-harakatga yo‘l qo‘yganligi sababli, o‘qituvchiga nisbatan intizomiy jazo chorasi ko‘rilishi belgilangan.