Apple smartfonlari Osiyo bozorlarida Xiaomi dan ko‘proq sotib olingan

2023-yilning fevral oyi uchun Osiyo mamlakatlarida smartfonlar savdosi bo‘yicha bozor ulushi ma’lumotlarini Global Stats tahlilchilari e’lon qilishdi. Bu haqda “Gizmochina” nashri xabar qilmoqda.

Unga ko‘ra, 2023-yilning fevral oyida Osiyo mamlakatlaridagi mobil qurilmalar bozorida Apple 17,15% ulush bilan 2-o‘rinni egalladi va Xiaomi (16,19%) ishlab chiqaruvchisini ortda qoldirdi, Samsung kompaniyasi esa 22,25% bilan 1-o‘rinda qoldi . Shuningdek, 4-o‘rinni 10,82 % bozor ulushi bilan OPPO, 5-o‘rinni 9,76 % bilan VIVO kompaniyalari egallagani ma’lum qilindi.

Apple kompaniyasining yetakchi o‘rinni egallashiga Malayziya va Vyetnam kabi rivojlanayotgan Osiyo bozorlarida talabalar uchun chegirmalarning joriy etilishi yordam bergani aytilmoqda.