Peshko‘da ichki yo‘llarni ta’mirlash ishlari davom etmoqda

O‘zbekiston Respublikasi Prezidenti Shavkat Mirziyoyevning 2022-yil 25-oktyabrdagi -408-sonli qaroriga muvofiq, 2022-2023-yillar davomida avtomobil yo‘llarini qurish-taʼmirlash bo‘yicha Buxoro viloyatining Peshko‘ tumanida jami 8 km ga yaqin yo‘llarni betonlashtirish, 101 km ga yaqin yo‘llarni asfaltlashtirish dasturga kiritilgan bo‘lib, ayni damda dastur doirasida yo‘llarni betonlashtirish, asfaltlashtirish ishlari boshlangan.

Xususan, Peshko‘ tumani “Bobohoji” mahallasida belgilangan dastur doirasida 1,6 km yo‘lni betonlashtirish, 3,4 km yo‘lni asfaltlashtirish belgilangan.

Peshko‘ tumani hokimligi xabar berishicha, hozirda yo‘llarni asfaltirishga tayyorlash ishlari davom etmoqda.