my.gov.uz orqali SIM-karta olish imkoniyati yaratildi

Yagona interaktiv davlat xizmatlari portali orqali Uztelecom (Uzmobile brendi) mobil aloqa tarmogʻiga onlayn ulanish va raqamni yetkazish xizmati ishga tushirildi.

Endi mobil aloqa tarmogʻiga ulanib, SIM-karta olish uchun dillerlik ofislarini izlab yurishga hojat qolmadi.

Shunchaki, uydan chiqmasdan turib:
1. my.gov.uz portalida roʻyxatdan oʻtish;
2. “Uztelecom mobil aloqa tarmogʻiga ulanish xizmati” ni tanlash;
3. Manzil maʼlumotlarini kiritish;
4. Ulanish turi, SIM-kartani yetkazib berish, tarif rejasi va oʻzingizga maʼqul kelgan raqamni tanlash, shuningdek, toʻlovni ham onlayn amalga oshirish mumkin boʻldi.

Bunda SIM-karta fuqaro koʻrsatgan manzilga Uztelecom tomonidan dastlabki toʻlov amalga oshirilgan vaqtdan boshlab 24 soatdan 5 ish kunigacha muddatda yetkazib beriladi.

Agar ulanish turida eSIM texnologiyasi tanlansa, uni faollashtirish uchun QR-kod shakllantiriladi va eSIM dastlabki avans toʻlovi amalga oshirilgan vaqtdan boshlab, 24 soat ichida yuboriladi.

Xizmat narxi: tanlangan raqam, tarif reja va ulanish turiga bogʻliq.