Buxoro shahridagi ayrim yo‘llar vaqtincha yopiladi

Buxoro shahrida Ramazon hayiti bayrami munosabati bilan masjidlarga olib boruvchi quyidagi avtomobil yo‘llari va ko‘cha tarmoqlarida harakat xavfsizligini taʼminlash maqsadida transport vositalarining harakatlanishi vaqtinchalik cheklanmoqda.

▪️ “Fayzobod” masjidiga olib boruvchi Ibn Sino ko‘chasining Dilkusho ko‘chasi bilan kesishgan qismidan Oq maschid (2524 avtojamlanma) ko‘chasi kesishgan qismigacha;

▪️ “Dilkusho” masjidiga olib boruvchi Dilkusho ko‘chasining Ibn Sino ko‘chasi bilan kesishgan qismidan Xalqobod ko‘chasi (“Dilkusho” dehqon bozori, Severniy) kesishgan qismigacha;

▪️ “Bolo hovuz” masjidiga olib boruvchi Abu Xafs Kabir ko‘chasining M.Karim ko‘chasi bilan kesishgan qismidan Xo‘ja Nurobod ko‘chasi (aylanma harakatdan 6-maktabga burilish) bilan kesishgan qismigacha

▪️ “Abu Hafs Kabir” (Hazrati Imom) masjidiga olib boruvchi Abu Xafs Kabir ko‘chasining Ibn Sino ko‘chasi bilan (“Raymag” aylanmasi) kesishgan qismidan Vobkent ko‘chasi ko‘chasi bilan kesishgan qismigacha bo‘lgan oraliqda transport vositalari harakati vaqtincha to‘xtatiladi.

Shu sababli, Buxoro viloyati IIB fuqarolar hamda shahrimiz mehmonlaridan boshqa avtomobil yo‘llaridan harakatlanishlarini so‘raydi.