Siz uxlayotganingizda xizmat burchini bajarayotgan maxsus xizmat xodimlari

Kecha, 21-aprel kechqurun viloyat IIB boshlig‘ining o‘rinbosari — Jamoat xavfsizligi xizmati boshlig‘i podpolkovnik Jonibek Boltayev tomonidan Buxoro shahri boʻylab “Xavfsiz tun” tadbiriga jalb qilingan Ichki ishlar organlari sohaviy xizmatlari, Milliy gvardiya, FVB, profilaktika inspektorlarining jamoat tartibini saqlash bo‘yicha yordamchilari va “Qalqon” guruhi aʼzolari ishtirokida navbatdagi kengaytirilgan tungi tezkor yo‘riqnoma o‘tkazildi.

Bunda tungi xizmatga jalb qilingan xodimlarga fuqarolar o‘rtasida jinoyat va huquqbuzarliklarni barvaqt oldini olish hamda tungi vaqtlarda ularning jamoat joyi va turli ko‘ngilochar maskanlarida maqsadsiz yurishlarini bartaraf etish samaradorligini oshirishga qaratilgan zaruriy topshiriq va ko‘rsatmalar berildi.

Oʻz xizmat burchini kunu-tun amalga oshirib, fuqarolar xavfsizligini taʼminlash yoʻlida halol mehnat qilib kelayotgan xodimlarga tashakkur izhor qilamiz.