Qorako‘lda maktab direktori pora bilan qo‘lga tushdi

Bu haqda har doimgidek, Buxoro IIB xabar berdi.

Maʼlumot berilishicha, kuni kecha Qorako‘l tumanidagi umumta’lim maktablaridan birining rahbari boʻlgan J. F. o‘z xizmat mavqeidan foydalanib, boshqa fuqarolar B. M. ismli erkakni maktab qoruvuli, N. S. ismli ayolni farrosh vazifasiga ishga qabul qilganligi evaziga ushbu maktab xo‘jalik ishlari bo‘yicha mudirasi X. G. orqali ularning bir oylik maoshlari miqdoriga teng kimyoviy ishlov berilgan 900 000 so‘m pullarni olgan vaqtida ashyoviy dalillar bilan ushlangan.

Shuningdek, viloyat IIB tarqatgan xabarga koʻra, maktab direktori shu tumanning “Xo‘jakon” mahallasida yashovchi 58 yoshli fuqaro hisoblanadi.

Mazkur holat yuzasidan O‘zbekiston Respublikasi Jinoyat Kodeksining 210-moddasi, 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.