“Samarkandskiy” dagi ustaxonada gaz balloni portladi, jabrlanganlarning ahvoli og‘ir

Bugun, 28-aprel kuni soat 16:15 larda viloyat FVB ga Buxoro shahridagi “Sobir Rahimov” MFY, Ibn Sino ko‘chasi yo‘li yoqasida joylashgan “Sharof gaz servis” MChJ ga qarashli avtomobillarga gaz ballonlarini o‘rnatish va texnik xizmat ko‘rsatish ustaxonasida gaz balloni yorilganligi to‘g‘risida xabar kelib tushadi.

Shu zahoti voqea joyiga FVB ga qarashli 2 ta yong‘in-qutqaruv avtoekipajlari jalb qilinadi. Shifokorlarning dastlabki tashxisiga ko‘ra, fuqarolar 38 yoshli S. Sh. va 37 yoshli K. Sh. tanasining ⁓95% kuyish tan jarohati olib, Respublika shoshilinch tibbiy yordam ilmiy markazi Buxoro filialiga yotqizilgan. Ayni damda ularning ahvoli og‘ir.

Aniqlanishicha, mazkur xizmat ko‘rsatish ustaxonasida hajmi 50 litrli suyultirilgan maishiy gaz ballonini ta’mirlash jarayonida gaz balloni yorilib, ustaxonaning eshik va derazalarining sinib, shikastlanishiga olib kelgan.