Buxorolik o‘qituvchi Amerikada malaka oshirmoqda

Buxoro tumanidagi 3-ixtisoslashgan davlat umumta’lim maktabining ingliz tili fani o‘qituvchisi Ofiyat Sanoyeva AQSHning O‘zbekistondagi elchixonasi tomonidan e’lon qilingan The Fulbright Teaching Excellence and Achievement (TEA) Program loyihasida muvaffaqiyatli ishtirok etib, AQSh da 6 haftalik bepul malaka oshirish imkoniyatini qo‘lga kiritdi.

Endilikda u AQSh universitetlarida kasbiy rivojlanish bo‘yicha akademik seminarlarda qatnashadi, mezbon oliygoh va o‘rta maktablarning o‘qituvchilari bilan o‘z tajriba va bilimlarini bo‘lishadi hamda u yerdagi ta’lim jarayonlari bilan yaqindan tanishadi.