Rossiyada romitanlik jinoyatchi qo‘lga olindi

Romitan tumanida ro‘yxatda turuvchi qidiruvdagi shaxs Rossiya Federasiyasining Voronej viloyatidan ektraditsiya qilindi.

O‘zbekiston Respublikasi Jinoyat Kodeksining 46- va 169-modda 3-qismida ko‘rsatilgan jinoyatni sodir qilib, sud organlaridan yashiringanligi uchun, Jinoyat ishlari bo‘yicha Romitan tuman sudi tomonidan 2020-yil 10-fevral kunidan buyon qidiruv e’lon qilingan, Romitan tumani “Chandir” MFY da ro‘yxatda turuvchi, 1997-yilda tug‘ilgan X. S. viloyat Ichki ishlar boshqarmasi Jinoyat qidiruv boshqarmasi xodimlari tomonidan o‘tkazilgan tezkor-qidiruv tadbirlari natijasida Rossiya Federatsiyasining Voronej viloyati hududida yashirinib kelayotgan joyi aniqlandi va O‘zbekiston Respublikasiga kelishi ta’minlanib, “Buxoro xalqaro aeroporti”da qo‘lga olinib, Ichki ishlar boshqarmasi Probasiya va jazoni ijro etish bo‘limiga qarashli 4-son Tergov hibsxonasiga joylashtirildi.