Munajjimlar bashorati (18.01.2026)

2026-yilning 18-yanvar, yakshanba kuni uchun munajjimlar bashorati

Qo‘y (21.03 — 20.04)

Yaqindagina qo‘l siltab ketgan ishlaringiz bugun baroridan kelishi kutilmoqda. Demak, azaliy rejalar ham havoda qolib ketmaydigan bo‘ldi

Buzoq (21.04 — 21.05)

Muhabbatda kamroq asabiylashing. Muammo birgina asab buzilishi bilan hal bo‘lib qolmaydi.

Egizaklar (22.05 — 21.06)

Bugun xarajatlar kuni shekilli. Kunning birinchi yarmidayoq oila, ro‘zg‘or uchun ancha-muncha buyumlar xarid qilishingiz kutiladi.

Qisqichbaqa (22.06 — 23.07)

Muammolarni zudlik bilan bartaraf etish uchun qarindoshlarga murojaat eting. Boshingizdan o‘tayotgan har bir hodisaga aql bilan yondashing.

Arslon (24.07 — 23.08)

Moliyaviy masalada omadingiz yurisha qolmasligi kutiladi. Bunday vaziyatlarda ehtiyotsizlik qilib qo‘yishdan saqlaning.

Parizod (24.08 — 23.09)

Kun davomida sizga serdaromad ish taklif etishlari mumkin. O‘ylab ham o‘tirmang, darrov rozilik bildiring.

Tarozi (24.09 — 23.10)

Tuyg‘ular, emotsiyani jilovdan qo‘yib yubormang, aks holda ba’zi masalalarda muvaffaqiyatsizlikka uchrashingiz mumkin.

Chayon (24.10 — 22.11)

Kimlardir sizni chuv tushirishga urinib ko‘rishi mumkin. O‘zingizga mahkam bo‘ling! Kuningiz ancha og‘ir kechishi kutiladi.

O‘qotar (23.11 — 21.12)

Bugun barcha muammolar xamirdan qil sug‘urgandek oson bitishi kutilmoqda.

Tog‘ echkisi (22.12 — 20.01)

Ro‘zg‘or kemtiklarini to‘ldirishda bardoshli bo‘ling. Kechqurun hech kimdan qarz olmang.

Qovg‘a (21.01 — 19.02)

Yangi rejadagi ishlarga xalal bermasligi uchun ilgari chala qolgan yumushlarni yakunlab olishingiz tavsiya qilinadi.

Baliq (20.02 — 20.03)

Kasalxonaga tushib qolishni xohlamasangiz, salomatlikni jiddiy nazorat qiling. Surunkali xastaliklar kunning ikkinchi yarmida qaytalanishi mumkin.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…