Dam olish kuni BDU rektori “Muruvvat-erkaklar internat uyi”ga tashrif buyurdi

Kecha, 18-aprel kuni BDU rektori Obid Hamidov yoshlar bilan ishlash bo’yicha prorektor A. Kadirov, Agronomiya va biotexnologiya fakulteti dekani H. Artikova, dekan o‘rinbosarlari, bir qator professor-o’qituvchilar va faol talabalar hamrohligida Qorako’ldagi nogironligi bo’lgan shaxslar uchun “Muruvvat-erkaklar internat uyi”ga tashrif buyurishdi, – deya xabar bermoqda universitet Axborot xizmati.

Mehmonlar internat uyining shart-sharoitlari, oshxona va dam olish xonalari bilan yaqindan tanishishdi. Shuningdek universitet rektori muruvvat uyining istiqomatchilari bilan suhbatlashdi.

Internatga universitet tomonidan antiseptik vositalar, kir yuvish sovunlari, kir yuvish kukunlari xayriya qilindi, jamoa esa ezgu niyat bilan tashrif buyurgan mehmonlarga o’z minnatdorliklarini bildirdilar.  

Ma’lumot uchun, muruvvat uyi 300 o‘ringa mo‘ljallangan bo’lib, bu yerda aqlan zaif erkaklarning salomatligini tiklashga qaratilgan tibbiy muolajalar amalga oshiriladi.