Internetda Rayhonning qiyofadoshi paydo boʻldi

“Rayhonmisiz degan savolni koʻp berishgan”, — deydi xonandaning qiyofadoshi.

Fargʻonalik Muhabbat Oripova xonanda Oʻzbekistonda xizmat koʻrsatgan artist Rayhonga tashqi koʻrinishi jihatidan juda oʻxshaydi.

U koʻp bora ʻRayhonmisiz?ʻ, deb soʻrashganini aytdi. Shuningdek, Muhabbat Oripova uni xonandaga oʻxshatib paparatsi qilib suratga olishganini taʼkidladi. Uning soʻzlariga koʻra, Rayhonga oʻxshashini xonandaning Qoʻqondagi konsertida payqab qolgan.

“Rayhonmisiz degan savolni koʻp berishgan. Baʼzilar savol bermay zimdan kuzatish, paparatsi qilib suratga olish holatlari ham koʻp boʻladi. Ilk marta Rayhonga oʻxshashligimni Rayhonning Qoʻqondagi konsertida bilganman. Havo sovuqligi uchun Rayhon muxlislari bilan koʻrisholmagan. Shunda bitta muxlis meni koʻrsatib ʻMana Rayhonʻ degan va hamma kelib men bilan rasmga tushgan. Bunday holatlar koʻp marta boʻlgan”, — deydi Muhabbat Oripova.

Eslatib oʻtamiz, avvalroq Rayhon qachon konsert berishini maʼlum qilgandi. Shuningdek, u Yigitalining sobiq xotini bilan uchrashib qolgani haqida xabar berilgandi. Shu bilan birga, Rayhon oila aʼzolari soni yana bittaga koʻpayganini aytgandi.