Milliy gvardiya musobaqasi sovrindorlari taqdirlandi

Kuni kecha Buxoro shahridagi “Xumo” sport majmuasida o‘zbek jang san’ati sport turi bo‘yicha yoshlar o‘rtasidagi “Assalom tong” musobaqalari bo‘lib o‘tdi, – deya xabar bermoqda Milliy gvardiya Buxoro viloyati boshqarmasi Matbuot xizmati.

Chempionatda viloyatimizning shahar va tumanlaridan tashrif buyurgan yuz nafardan ziyod sportchilar ishtirok etdi.

Musobaqa Milliy gvardiya Buxoro viloyati bo‘yicha boshqarmasi hamda viloyat O‘zbek jang san’ati federasiyasi hamkorligida tashkil etildi. Chempionatni o‘tkazishdan ko‘zlangan maqsad o‘sib kelayotgan yosh avlodni vatanparvarlik, yurtiga sodiq, jismonan sog‘lom va ma’nan barkamol farzandlar qilib tarbiyalashdan iborat.

Yakunda gʻolib va sovrindorlar tashkilotchilarning diplom va esdalik sovg‘alariga ega bo‘ldilar.